ABERTO NOVO PRAZO PARA SOLICITUDE DE MATRÍCULA

Do 11 ó 18 de maio ábrese de novo o prazo para quen non teña feita a solicitude da matrícula, sólo para aqueles que se incorporan por primeira vez ó centro.

Neste enlace podedes obter máis información, ó igual que por la aplicación abalar:

https://www.edu.xunta.gal/centros/ceipramallosa/node/2432

Farase en horario de 10 a 13:30 h con cita previa a través do teléfono 881 866 491 ou do correo-e ceip.ramallosa@edu.xunta.gal:

– É obrigatorio o uso de máscara

– Non poden vir nenos/as acompañando aos adultos.

– Deberán esperar na porta do colexio para ser atendidos, xa que os trámites faranse no recibidor, nun espazo preparado para tal efecto. No caso de coincidir con outros pais na entrada deberán gardar as distancias de seguridade.

– A entrada será pola porta principal do centro (a entrada que utiliza o profesorado). Pódese entrar co coche no recinto, de xeito excepcional, para estes trámites.

O proceso tamén pode facerse de xeito telemático (con chave 365 ou certificado dixital). Máis información neste enderezo: https://www.edu.xunta.es/admisionalumnado/

Adxuntamos tamén os seguintes enlaces da documentación para presentar que podedes descargar directamente de aquí ou da páxina web do colexio:

INSTRUCIÓNS SOBRE A TERCEIRA AVALIACIÓN E FINAL DE CURSO

Bo día a todos. Comeza o mes de Maio, e temos xa por fín as instruccións da avaliación dos nenos. Deixamos a continuación a ligazón:

https://www.edu.xunta.gal/centros/ceipramallosa/node/2420

Segundo as instrucións recibidas esta mesma semana, informase dos seguintes aspectos relacionados coa terceira avaliación e o remate do curso:

  1. O curso remata, como estaba previsto no calendario escolar, o 19 de xuño.

2. A terceira avaliación desenvolverase nos seguintes termos:

2.1 Mantense o proceso de reforzo, repaso e afianzamento de aprendizaxes traballados no primeiro e segundo trimestre.

2.2 Poderán traballarse contidos novos, sempre e cando non sexan avaliables ou a avaliación sexa puramente informativa e de diagnóstico. Só poderá terse en conta para o resultado da avaliación final se beneficia ao alumnado (se incrementa a nota final), en caso contrario non terá máis valor que informar ás familias da valoración que fai o profesorado do contacto e resultados mantidos durante esta fase co alumnado.

2.3 A avaliación final estará baseada, polo tanto, nos resultados da avaliación continua ata o momento da suspensión de actividade presencial nos centros.

2.4 De cara a decisión de promoción do alumnado non se terá en conta tanto o número de materias con avaliación negativa como a repercusión que a decisión poida ter no alumnado. Só se farán propostas de repetición de curso en casos moi excepcionais. Teríamos sempre en conta a opinión da familia.

2.5 O profesorado fará un informe individual do alumnado para rexistrar os procesos desenvoltos este curso e os aspectos nos que haberá que facer máis incidencia no vindeiro, para compensar e paliar as consecuencias da situación acaida, para todo o alumnado do centro pero con maior detalle para sexto curso de primaria, para que no centro no que vaia cursar primeiro da ESO teñan esa información xa a comezo do curso 2020-21.

3. A día de hoxe non hai previsións claras da volta do alumnado aos centros. Haberá que esperar á evolución da pandemia e as decisións que as autoridades sanitarias e educativas vaian tomando.

4. Tampouco está definida claramente a volta do profesorado aos centros.

5. O proceso de solicitude de matrícula está paralizado. En canto haxa noticias respecto a este tema, farase publicidade na web do centro e nos medios de comunicación coas familias dos que dispoñemos (Abalar-Móbil fundamentalmente).

SAÍDA DOS NENOS Á RÚA

Hoxe por fin poden saír os menores á rúa, despois de 44 días de cuarentena. Pero é imprescindible que sigamos unha serie de instruccións. Para isto, a Concellería de Educación fixo un cartel que nos axudará:

Recordade cumprir estas normas!!

Tamén adxuntamos as indicacións en viadas dende o Goberno Central:

Un saúdo

SERVIZO DE APOIO ESCOLAR

Dende a Concellería de Educación poñen a disposición daqueles que o necesiten os seguintes medios e recursos: imprimir e facer fotocopias de traballos escolares e dos apuntes imprescindibles para levar a cabo a actividade lectiva, así como trasladar material educativo ós seus fogares, como libros que lles quedasen ó alumnado nas aulas dos centros ou ben nas taquillas etc. e que sexan necesarios para o correcto seguimento do curso.

Pódese facer a solicitude á concellería de Educación a través do enderezo electrónico: educación@teo.gal, onde se indicarán os datos do/a neno/a, o seu enderezo e o teléfono de contacto.

https://www.teo.gal/gl/actualidade/2020/concellaria-de-educacion-pon-en-marcha-o-servizo-de-apoio-escolar

BIBLIOTECAS MUNICIPAIS DE TEO

https://www.teo.gal/gl/actualidade/2020/concellaria-de-educacion-pon-en-marcha-o-servizo-de-apoio-escolar

A Concellería de Cultura e Educación de Teo, presenta este ano un programa a distancia, a través de medios telemáticos para a semana do libro con título “UN LIBRO UNHA APERTA”. Durará entre o 20 e o 26 de abril, e contará con varias actividades para celebrar o Día do Libro e o Día da Batalla de Cacheiras, ámbalas dúas datas celebradas o 23 de abril.

O que se pretende e simbolizar o poder da lectura nestes momentos, e transmitilo dunha forma mási íntima cara ás persoas.

O programa levarase a cabo coa colaboración de varios escritores, contadores e persoas relacionadas co mundo do libro e das bibliotecas, así como cas librerías do Concello.

Dentro do programa de actividades da semana do libro UN LIBRO : UNHA APERTA organizada pola Concelleria de Cultura, o martes 21 o profe de manualidades David Orihuela móstranos como facer un divertido marcapáxinas. Podes velo premendo aquí

https://mediatecadogrilo.wordpress.com/?fbclid=IwAR33PJvjHeUP33C1JsNVJ6h5cLk2jt98l4ny9gXRFJ7Jflg0Aksw9DcpagI ofrece unha programación detallada do programa.


Nas seguintes redes sociais iremos publicando e actualizando os contidos:

Blog das Bibliotecas de Teo https://mediatecadogrilo.wordpress.com/ e as seguintes redes sociais:

Facebook: https://www.facebook.com/bibliotecas.municipais.deteo

Twitter: https://twitter.com/bibliosteo

Youtube: https://www.youtube.com/channel/UCKBI95wPtlBXkUqYI-51i3A

ACCESO Á EDUCACIÓN ONLINE DENDE O CONCELLO

Dende o Concello fixéronnos chegar a ANPA este enlace respecto a iniciativa creada polos Servizos Sociais para axudar a facilitar que continúe o curso de forma telemática.

Deixamosvos o enlace de Facebook onde se pode ver a seguinte información:

“O acceso a educación é fundamental para garantir a inclusión sociail, os dereitos da infancia e unha mínima xustiza social. Para garantila os servizos sociais de Teo están traballando para garantir equipos informáticos e acceso a internet a todo o alumnado de primaria e secundaria. As familias con problemas económicos para ter este equipamento poden poñerse en contacto con nos en educacionfamiliar@teo.gal ou no 981809707.”

Esperamos que vos encontredes ben, resistindo este temporal que esperamos que acabe pronto, e ben.

Un saúdo

TORNEO ONLINE XOGADE DE XADREZ

Bo día:

Para amenizar este confinamento, chegounos unha proposta interesante para todos os nenos: un torneo online de xadrez.

Podedes recibir información e/ou inscribirvos a través do correo albertodiosqu@hotmail.com ou ben a través do whastapp 633 447 674.

O torneo realizarase os días 18 e 19 de abril, a través da páxina web gratuita lichess.

Poden participar todos os menores de 14 anos.

Esperamos que vos guste!

Axudas para o comedor COVID19

A Xunta quere ofrecer unha axuda económica a aquelas familias con menos recursos, por iso, ofrece unha compensación do custo diario do menú por comensal e polos días lectivos de suspensión debido ó COVID19.

Estas axudas consistirán en 2,50 Euros nos nenos co xantar gratis, e 1,50 Euros para os nenos que pagan 1 Euro ó día. Comprenderá todos os días lectivos dende o 16 de marzo ata o 3 de abril, e irá prorrogándose no caso de ser ampliado o confinamento domiciliario.

Para presentar a solicitude temos dende o día 31 de marzo ata o 6 de abril. Ben o podemos facer telemáticamente a través do formulario dispoñible na sede electrónica da Xunta de Galicia (https://sede.xunta.gal) mediante certificado dixital ou chave 365; ou ben tamén podedes enviar un correo electrónico a ceip.ramallosa@edu.xunta.gal achegando os seguintes datos:

-nome do pai/nai

-DNI do pai/nai que o solicita

-pagamento indicando se é gratuíto ou de 1 euro

-nome do(s) alumno(s)

-nome de conta bancaria para recibir o ingreso

-teléfono do pai/nai que se proporcionou ao centro

Adxuntamos o documento oficial.

Un saúdo, esperando que todos vos encontredes ben nas vosas casas.